Entrevista na Radio Galega ao vicepresidente de Amigos do Casco Histórico, David Martínez Máquez

O pasado martes día 10 de novembro o programa da Radio Galega "Aquí Galicia" que dirixe o xornalista Xusto López Carril, achegouse a Betanzos a realizar unha reportaxe sobre a deterioración do noso Casco Hiistórico, e entrevistou ao noso vicepresidente David Martínez Máquez, quen atendeu gustosamente aos xornalistas, esforzándose, a xulgar polas súas declaracións, en ofrecer sen faltar á verdade, unha visión positiva de Betanzos en xeral, e do noso Casco Histórico en particular.

A entrevista, levada a cabo polo xornalista Marcial Mouzo foi realizada no  Adro de Santa María, dura pouco máis de sete minutos e podédela escoitar premendo no “play” do reprodutor.

Debate do pleno de Betanzos sobre a proposta de adquisición da Torre de Lanzós e da Casa Gótica

Hai uns días fixémonos eco da noticia que no pleno do Concello de Betanzos, fora: Rexeitada a expropiación da Casa Gótica e da torre de Lanzós

Como complemento desta información e directamente desde a páxina web do Concello de Betanzos: http://www.betanzos.net/ “Dalle ao play”

podedes escoitar o fragmento do pleno ordinario celebrado o 29 de setembro de 2009, onde se debate a moción presentada polo PSdeG-PSOE betanceiro sobre a proposta de adquisición da Torre de Lanzós e a Casa Gótica, moción que, como sabedes, foi rexeitada polo pleno cos votos desfavorables dos concelleiros do Partido Popular e de Cidadáns por Betanzos.