sábado, 29 de agosto de 2009

Entrevista de presentación da directiva da Asociación Amigos do Casco Histórico coa Alcaldesa de Betanzos

    Na tarde do pasado xoves 27 de agosto tivo lugar unha entrevista de presentación dos membros da recentemente elixida directiva da Asociación Amigos do Casco Histórico, coa Alcaldesa de Betanzos Dona María Faraldo.
Entrevista coa AlcaldesaÁ reunión, que tivo lugar nas dependencias destinadas á Alcaldía no Edificio Liceo, tamén asistiu o concelleiro delegado de urbanismo, tráfico e seguridade cidadá José Luís Santos Cobelo e por parte da Asociación ademais do seu presidente Antonio Asensi, o vicepresidente David Martínez e a secretaria Mercedes Rosende.
    Ao longo desta primeira toma de contacto os directivos da Asociación trasladaron ás máximas autoridades locais o interese e preocupación de gran parte dos veciños pola mellora do estado actual do noso Casco Histórico, e intercambiáronse ideas e opinións sobre o mellor xeito de conseguir este obxectivo que todos compartimos.

martes, 25 de agosto de 2009

Galería de fotos da procesión de San Roque e Santa María nas festas de Betanzos

    Como vén sucedendo ano tras ano desde tempo inmemorial, moi probablemente desde o mesmo 1416, en que a cidade de Betanzos ofreceuse ao seu santo patrono San Roque, outra vez os betanceiros sacaron as súas máis veneradas imaxes á rúa para en solemne procesión percorrer o Betanzos máis antigo.
    O santo peregrino, e a nosa copatrona a Virxe de Belén, Santa María do Azougue, "a gareliña", camiñaron xuntos da Igrexa de Santa María á de Santo Domingo, percorrido habitual dos últimos anos, a tarde do 15 de agosto, aos ombreiros dos mareantes e con escolta dun pelotón de soldados do antigo Rexemento de Betanzos, acompañados tamén de autoridades, veciños, devotos, músicos, curiosos e turistas, ofrecendo un cadro de devoción e plasticidade que só se repite unha vez ao ano.

    Premendo na imaxe, ou a continuación no enlace de texto, podedes ver unha galería de fotos da procesión de San Roque e Santa María correspondente a este ano 2009, e da actuación das Danzas de Mariñeiros que realizou a continuación na Praza do Campo, o Grupo de Danzas Gremiais de Betanzos “Xóvenes do Pobo”.


Os autores das fotos son Antonio Asensi, José Manuel G. Casal e Eduardo Vázquez.


Para ver as fotos a pantalla completa acordarvos de pulsar a tecla F11

 

sábado, 22 de agosto de 2009

O “Tiruriru” un enxeñoso agasallo institucional

INGENIOSO REGALO INSTITUCIONAL

FAMILIA ADQUIERE CIEN "TIRURIRUS"


O xornal "El Ideal Gallego" o recolle na súa edición de hoxe sábado 22 de agosto de 2009


Preme na imaxe para ver a noticia ampliada


 

viernes, 21 de agosto de 2009

O Xogo do Tiruriru, novo agasallo institucional da Concellería de Muller Infancia e Familia

 

    A concellería de Muller Infancia e Familia do concello de Betanzos, dirixida por María de la Esperanza Sánchez Varela, do grupo municipal Cidadáns por Betanzos (CxB), adquiriu por medio da Asociación Amigos do Casco Histórico de Betanzos, 100 xogos do "Tiruriru", deseño de Luís Galán, o mesmo xogo que esta Asociación, presentou e promocionou en Betanzos con motivo da Feira Franca Medieval.


    O acto que congregou a numerosos xornalistas, tivo lugar diante da Casa do Concello de Betanzos, en pleno Casco Histórico, na praza da Constitución, hoxe venres 21 de agosto, e a entrega dos xogos foi realizada polo vicepresidente da Asociación, David Martínez Máquez, e a secretaria Mercedes Rosende Gabín, e segundo declarou a propia concelleira o seu primeiro destino será o de servir de premio nos diferentes xogos e concursos infantís que se realizan nestes días con motivo das festas patronais, aínda que tamén usaranse como agasallo institucional desta concellería tanto a betanceiros como a visitantes.


    No remate do acto, a concelleira e os membros da Asociación presentes no mesmo, alabaron o deseño do xogo que co tema de fondo das Danzas de Mariñeiros de Betanzos, propón un percorrido por diferentes lugares do noso Casco Histórico, e intercambiaron nun clima de cordialidade ideas e opinións sobre a súa mellor promoción, asentado así as bases para futuras colaboracións.


    A casualidade quixo que o primeiro en recibir o xogo de mans da concelleira fose un neno catalán que naquel momento visitaba o noso Casco Histórico na compañía da súa familia.
Hincha do Barça de toda a vida, confesounos estar encantado co xogo e a partir de agora imaxinámolo na súa casa de Reus saltado de mareante en mareante, e tendo moito coidadiño de non caer no temido "gamachiño".


A maqueta de gran tamaño do xogo de Luís Galán, usada na presentación, foi obxecto da curiosidade de numerosos turistas que naquel momento paseaban pola zona


miércoles, 19 de agosto de 2009

Os Mómaros de Betanzos

 

Polo menos unha vez ao ano, pero sempre nas festas de San Roque, os mómaros e cabezudos, membros desta peculiar familia de Betanzos de toda a vida, saen á rúa e pasean o noso Casco Histórico para facer as ledicias de nenos e maiores, e ofrecer ademais, a través dos ollos do experto fotógrafo, instantáneas tan bonitas como estas.

 



As fotografías son de José Manuel G. Casal e podédelas ampliar premendo nas imaxes

 

jueves, 13 de agosto de 2009

A CASCOMANÍA ESTÉNDESE POR BETANZOS

 Xa está na rúa o xornal "Betanzos e a súa Comarca" correspondente a este mes de agosto de 2009


"Sentimos que está nacendo con forza a "cascomanía" en Betanzos"


    Unha reportaxe sobre a presentación da Asociación Amigos do Casco Histórico no adro de Santa María, e unha entrevista ao noso presidente Antonio Asensi, aparecen no número correspondente a este mes de agosto do xornal "Betanzos e a súa Comarca"

Preme nas imaxes para ver a noticia ampliada


Se pinchas nesta outra imaxe do lado, poderás baixarte nun arquivo pdf. o número correspondente a este mes de agosto do xornal “Betanzos e a súa Comarca”, directamente de

 http://www.comerciodebetanzos.com

páxina  da Asociación de Comerciantes e Empresarios de Betanzos (ACEBE)

miércoles, 12 de agosto de 2009

A Torre de Hércules, un Patrimonio da Humanidade na Familia.

LA CIUDAD DE LOS CABALLEROS CON LA TORRE DE HÉRCULES

La hermana mayor...de la humanidad

 

    Un artigo de Lucía Tenreiro que aparece hoxe, no xornal  "El Ideal Gallego" faise eco da felicitación que a través da nosa Asociación, realizou no seu día o Casco Histórico de Betanzos, á que sen dúbida podemos considerar como a nosa irmá maior, a Torre de Hércules.

Felicitación á que se refire o artigo e que todavía pode verse neste páxina

 

Preme na imaxe para ver a noticia ampliada

    Todo isto e como moi ben di a xornalista, deixando aparte calquera tipo de discusión sobre o mítico Brigantium e a súa orixe.

      En calquera caso, é indiscutible que se un dos alicientes de Betanzos sempre foi a súa proximidade á cidade da Coruña, tamén é certo que o máis grande dos recoñecementos ao seu monumento máis importante e emblemático seguirá sendo bo para Betanzos, e na nosa man estará potenciar que gran parte dos amantes da historia e dos seus monumentos  que o visiten, achéguense tamén ao actual Brigantium para mergullarse no seu contexto histórico, ou simplemente para gozar do antigo e novo Betanzos.

    Neste sentido, e aínda que non temos a completa certeza de que o sexa, debemos considerar á Torre de Hércules como a nosa irmá maior, por que sen dúbida que o que si é certo, é que "somos da familia".

    Polo tanto desde esta páxina renovamos a felicitación á nosa irmá maior A Torre de Hércules, felicitación que tamén queremos facer extensiva á xornalista Lucía Tenreiro, por saber expresar tan acertadamente as nosas intencións e desexos.


 

sábado, 8 de agosto de 2009

Programa das festas de Betanzos 2009

 
 

FESTAS

  SAN ROQUE
  2009
 
 

 

 

PROGRAMA

 

 

 

Xa está na rúa o cartel e o programa das Festas de San Roque 2009

 

 

O CARTEL

 

O cartel desta edición 2009 das festas de Betanzos foi realizado por Xosé Tomás, ilustrador, profesor, e artista gráfico  betanceiro.

 

 

O PREGÓN

Este ano o pregoeiro será o ex-alcalde de Betanzos e actual eurodiputado Antolín Sánchez Presedo que lerá o pregón aos seus paisanos e conveciños desde o balcón do Concello na tarde do venres día 14, acto que marcará o inicio das festas de Betanzos 2009.

 


 

Danzas gremiais, globo e caneiros, son os números fortes nos que se asentan tradicionalmente as Festas de Betanzos
 

AS DANZAS

 

Danza de Labradores de Betanzos

 


 

A responsabilidade de manter viva a tradición das Danzas Gremiais de Betanzos, recae na actualidade no grupo "Xóvenes do Pobo"

 

 

 

 

O GLOBO

 

 

 

 

 

 

OS CANEIROS

 

 

 

 

 

FELICES FESTAS DE SAN ROQUE 2009

 

 

miércoles, 5 de agosto de 2009

Novas referencias á presentación da Asociación no Adro de Santa María

Objetivo: devolver su esplendor al casco histórico brigantino


O xornal "El Metropolitano"  o recolle na súa edición correspondente ao mes de xullo de 2009

Preme na imaxe para ver a noticia ampliada

lunes, 3 de agosto de 2009

Cada vez máis difícil para o comercio tradicional

"Comerciantes de Betanzos, máis preocupados polo estado de abandono do Casco Histórico que pola crise económica"

O xornal "La Voz de Galicia" o recolle na edición do domingo 2 de agosto de 2009

Preme na imaxe para ver a noticia ampliada