viernes, 24 de julio de 2009

E a ti que che importa!

DSC_0204


Dende onte xa se atopan distribuídos por diferentes locais do casco histórico os buzóns da asociación, nos que se poderán realizar suxerencias, ou depositar as enquisas sobre o estado do casco histórico. Como sabedes dende a nosa presentación, os buzóns están creados por Luís Galán, deseñador gráfico betanceiro autor do logotipo da Asociación. Agardamos que todos os que non a cubristes durante a Feira Medieval poidades facelo ao longo das próximas semanas e opinar sobre os temas fundamentais relacionados coa revitalización do Casco Histórico, para desta forma colaborar con nós.

A enquisa podédela atopar ao carón dos propios buzóns ou descargala nun arquivo pdf en galego ou castelán premendo nos enlaces de abaixo.


Estes son os locais onde están situados os buzóns da Asociación amigos do Casco Histórico

 

Chirri Café

Rúa Ferradores 17

 

Xoiería Daniel

Rúa Prateiros 4

 

Copitec Dixital

Praza Constitución 4

 

Café Lanzós

Rúa Lanzós, s/n

 

A Cova do Frade

Rúa San Francisco 8

 

Dende a Asociación Amigos do Casco Histórico queremos agradecer a todos estes locais a súa colaboración.

 

MOITAS GRAZAS



jueves, 23 de julio de 2009

“Nuestro Castro”

En decembro do ano 2007, o Concello de Betanzos anuncia, a través da súa Alcaldesa Dona Maria Faraldo, a creación dun taller de comunicación audiovisual, que ía ter como principais fins a alfabetización audiovisual de todos os betanceiros que o desexaran, e ademais, a difusión e rexistro en soporte audiovisual, de todas as actividades culturais do pobo e das súas asociacións.

A dirección do curso, que nace con vocación de continuidade, asúmea o cineasta brigantino José Carlos Soler, o mesmo que en novembro do ano seguinte 2008, dirixiría con gran éxito, a primeira edición do Festival Internacional de Cine Documental das Mariñas: XÓM (Xanela ó Mundo)




O taller comeza a súa andadura, e baixo a inspiración e supervisión de José Carlos Soler, e colaboracións tan inestimables como a de Lucía Tenreiro ou Lourdes Suárez, tras moitas horas de traballo e entusiasmo dun grupo de betanceiros, nace o documental “Nuestro Castro”, que hoxe presentámosvos.


O documental, ideado, dirixido, presentado, participado e producido en todos os seus tramos e fases, en Betanzos e por betanceiros, estréase como as grandes producións, no inigualable marco da Igrexa Conventual de San Francisco, e servindo como broche final da clausura do Primeiro Festival Internacional de Cine Documental das Mariñas, e ante persoas tan relevantes no mundo audiovisual galego como Manuel González, director da Axencia do Audiovisual Galega; José Manuel Sande, programador do CGAI; Mario Roldán, actor; David Pérez, realizador de Telecinco, e Iñaki González, director delegado de Antena 3, que formaban parte do xurado do festival.



A partir deste momento o documental “Nuestro Castro” non ten moita sorte na súa promoción, de tal xeito que queda un tanto esquecido, e que nós saibamos, non se volve a exhibir, ata agora, en ningún medio de comunicación.

Debido á inestimable colaboración de José Carlos Soler, e a de Antón Taboada, hoxe rescatamos dun inmerecido soño esta obra, na que os nosos políticos, comerciantes, persoas relevantes do pobo e veciños en xeral, expresan a súa opinión sobre o mellor xeito de revitalizar o noso Casco Histórico.

O que van ver vostedes ten que gustarlles necesariamente, por que se van a ver a vostedes mesmos.


Neste documental..¡Saímos todos!



Créditos

 

Taller de Comunicación Audiovisual das Mariñas


Entrevistadora

Lucía Tenreiro

 

Realización

Antón Taboada

 

Jefa de Producción

Lourdes Suárez

Edición

Carlos Soler

Vecinos de Betanzos

Jesús Nüñez Alfredo Erias
María Luisa Couceiro Antonio Fraga
Fernando Blanco Javier Etcheverría
José Manuel Romay Juan Suárez
Antolín Sánchez Ignacio Núñez
Adolfo Sánchez María del Pilar Babío
Adela Rivera Susana Presas
Marité Núñez Javier Lomba
Fina Caramés Inés Amor
Paula Veiga María Josefa Míguez
Mercedes Rosende Andrés Otero

Agradecimientos

A los vecinos y al Ayuntamiento de Betanzos

Taller(c)2008

martes, 21 de julio de 2009

Resultados Feira Medieval 2009

Caseta Asociación Amigos do Casco HistóricoO fin de semana do 10 ao 12 de xullo celebrouse no casco histórico da Betanzos unha nova edición da Feira Franca Medieval. Como ben sabedes todos a Asociación Amigos do Casco Histórico de Betanzos estivo presente nunha caseta da devandita feira. As actividades levadas a cabo pola asociación durante a feira medieval foron principalmente tres: informar sobre o nacemento e finalidade da nosa asociación, realización dunha enquisa para coñecer a opinión da xente sobre o casco histórico e dar a coñecer “Xogo do Tiruriru dos mareantes de Betanzos”.

Durante todo o fin de semana houbo unha grande afluencia de público á caseta, sobre todo durante a tarde, tanto para interesarse pola asociación como para obter información do casco histórico e da propia Feira Medieval xa que, segundo nos manifestaron, a información turística sobre o casco é moi escasa e a da Feira só estaba dispoñible en galego .
Por outra banda, a cooperación cidadá á hora cubrir as enquisas (dispoñibles en galego e castelán) sobre o estado do casco histórico tamén foi moi importante. A día de hoxe, a falta de recoller alguhas enquisas que levou a xente para cubrir na casa, o reconto provisional é o seguinte:

Residentes do casco 109 pers.
Residentes de Betanzos 157 pers.
Residentes da comarca 98 pers.
Visitantes asiduos 81 pers.
Visitantes ocasionais 119 pers.
Sen especificar 7 pers.
TOTAL 571 pers.

P1010873 Por outra banda o “Xogo do Tiruriru dos mareantes de Betanzos” tivo tamén unha grande acollida. Cabe destacar que durante tódolos días estivo rodeado de nenos (e non tan nenos) xogando e pasándoo ben, mentres percorrían e coñecían os recunchos máis significativos e belos do casco histórico brigantino no taboleiro xigante que nos prestou Luís Galán durante toda a Feira. Opcionalmente ofrecíase á xente, a cambio dunha colaboración, unha versión máis manexable para que puidesen seguir xogando nas súas casas.

Dende a Asociación Amigos do Casco Histórico de Betanzos queremos agradecer a colaboración do Concello de Betanzos, facilitándonos a caseta utilizada na feira, e a toda a xente que colaborou connosco cubrindo as enquisas ou a través do “Xogo do Tiruriru dos mareantes de Betanzos”.

lunes, 20 de julio de 2009

Concello e Xunta mercarán vivendas no Casco Histórico para destinalas a aluguer

"El gobierno local pacta ocho precontratos para adquirir edificios en el casco antiguo"

La alcaldesa trabaja con la Xunta en la aplicación del modelo de rehabilitación de A Tinería.

O xornal "El Ideal gallego" o recolle na edición do sábado 18 de xullo de 2009

Preme na imaxe para ver a noticia ampliada

Na Fundación CIEC pódese ver ata o mes de setembro unha exposición da obra gráfica de Manolo Valdés

 

          A Fundación CIEC, Centro Internacional da Estampa Contemporánea, presenta a mostra "Manolo Valdés Gráfico" durante os meses de xullo e agosto de 2009 na súa sede de Betanzos. Esta importante exposición segue a estela das anteriores mostras estivais que se organizaron noutras ocasións neste importante  centro brigantino; "Picasso Desconocido" en 2006, Le Corbusier, Le Poême de l´angle droit" en 2007 e "Dalí y la Divina Comedia" en 2008, co obxectivo de permitir o achegamento e a contemplación directa da obra gráfica de grandes autores.


         A Fundación CIEC nesta ocasión reuniu un conxunto de máis de 40 obras deste autor, sendo a primeira vez que un grupo tan numeroso da súa obra gráfica exponse en Galicia e isto foi posible grazas á colaboración de importantes galerías de arte como; a Galería Marlborough, a Galería Hispánica e a Galería Raiña Lupa.

         Desta forma Valdés visitou Galicia de forma notable este ano, xa que todos puidemos contemplar no principio do ano no fantástico marco da Praza María Pita da Coruña as súas esculturas. Os que gozaron con aquela mostra teñen outra nova oportunidade de contemplar a súa obra na histórica vila de Betanzos no marco da Fundación CIEC e con iso profundizar no coñecemento da obra seriada sobre papel deste autor.


       Nesta mostra poderemos gozar de moitas das imaxes icónicas procreadas por este artista, aquelas que extrae da historia da arte española e dos seus mestres, como as "Marianas", "Caballeros", "Helenas", etc. Tamén obras recentes que veñen directamente á mostra do taller de estampación como os "Dog" inspirados no can semiafundido de Goya. En todas elas Valdés propón ao espectador un xogo, unha procura na memoria de imaxes da arte, as cales resultan persoais e novas a través dun orixinal tratamento dos perfís e fondos por medio do gravado. Tamén están os seus "Paolos", as súas "Mulleres con abanico".

   

          A mostra inaugurouse o pasado día 9 de xullo e foi presentada por Pedro Galilea, director adxunto da Fundación CIEC, e contou coa asistencia da alcaldesa de Betanzos, María Faraldo, outros concelleiros, e Jesus Nuñez, presidente e fundador da Fundación Centro Internacional da Estampa Contemporánea, CIEC.

          A exposición estará aberta durante os meses de xullo e agosto de 2009, de martes a sábado de 10 a 14 e de 17 a 21 horas.


 
 

A Fundación CIEC, Centro Internacional da Estampa Contemporánea, que dirixe o artista Jesús Núñez en Betanzos, ocupa un dos edificios máis singulares do noso Casco Histórico.


Casa Núñez - Sede da Fundación CIEC en Betanzos

Foto Marisa Gabín

Casa comercial Hijos de A. Núñez (Casa Núñez)

Arquitecto: Rafael González Villar  

A Casa Núñez foi construida na década dos anos vinte, seguindo o proxecto do arquitecto Rafael González Villar, autor de edificios betanceiros como as Escolas Jesús García Naveira ou o Palco da música do Cantón de Claudino Pita.

A construción foi proxectada para albergar dúas actividades. Por un lado, uns grandes almacéns comerciais e por outro a corresponsalía do Banco de España en Betanzos. Esta singularidade formará parte do xerme das decisións de composición exterior do edificio. Así a fachada amosa a diferenciación dos dous establecimentos conseguindo, ao mesmo tempo, unha unidade de conxunto.

A planta baixa cos seus vanos rectangulares e o paramento acabado con llagueado horizontal conforma un zócalo que serve de apoio ás dúas plantas superiores, resoltas cos paramentos pintados e os ocos con recercados resaltados. Desta fachada exterior cómpren destacar o balcón da segunda planta dos almacéns, deseñado como unha reinterpretación dun elemento tradicional como é o típico corredor das casas betanceiras, e os recercados de ventás ornamentados con escudos herálicos vacíos (elemento frecuente na decoración de González Villar), seguindo unha composición vertical de varias plantas rematadas cunha peineta que serven de contrapunto compositivo á horizontalidade do conxunto.

Sen embargo, os momento máis intensos do edificio revélanse na súa configuración interior. Dende a entrada e a través dun espacioso vestíbulo ao que asoman os escaparates, franqueando as portas de acceso con vidrieiras estilo Déco, chégase a un recinto interior de dúas plantas cun gran vacío central iluminado por un lucernario rectangular. Este espazo central está focalizado por unha escaleira de tres tramos que arrancan con tres peldaños curvilíneos sen pasamáns. Todo o interior configura un conxunto armónico onde a ornamentación está baseada en trazados xeométricos con reminiscencias de elementos decorativos da Secesión Vienesa. Sobresaen os esbeltos pilares metálicos rematados con capiteles de madeira, as luminarias e tódolos elementos de balaustrada.

Hoxe en día o edificio é a sede do Centro Internacional de Estampa Contemporánea (CIEC), e na súa planta baixa está ubicado o popular Café La Banca, convertindo este lugar en obxecto de obrigada visita durante o percorrido polo noso Casco Histórico.

sábado, 18 de julio de 2009

A zona histórica de Betanzos derrúbase

A zona histórica de Betanzos derrúbase, ese é o titular da nova emitida o día 17 de xullo de 2009, na edición do serán do programa da Televisión de Galicia, Galicia Noticias. A nova fala do derrubamento na rúa da Cerca, do que xa falamos onte. Neste vídeo tamén se fai referencia á existencia da nosa asociación e da preocupación existente polo estado do casco histórico.

agalega.info - Videos das noticias dos informativos da TVG

viernes, 17 de julio de 2009

A rúa da Cerca pechada por ruina

"La caída de cascotes de un edificio en ruinas obliga a "cerrar" A Cerca"

Los servicios de emergencia acudieron de inmediato para evitar posibles riesgos a los vecinos.

 

Según el último estudio elaborado desde el Concello de Betanzos, el parque edificatorio del Casco Histórico lo conforman unas 1.800 viviendas. A fecha de agosto del año pasado 114 de éstas presentaban peligros o riesgo de desprendimientos o desplome.

 

O xornal "El Ideal gallego" o recolle na edición do venres 17 de xullo de 2009

Preme na imaxe para ver a noticia ampliada

miércoles, 15 de julio de 2009

Cultura sin Lugar (pasado.es)

"Cultura sin Lugar" é un espazo aberto na rede onde Francisco Porto e Rocío Osorio expoñen a súa creatividade nun proxecto creativo-descriptivo que amosa a visión da cultura diaria que tendemos a non percibir conxugándoa cós espazos físicos sociais.


 
 

Os dous forman parte do grupo de artistas que se reúnen en torno a "12 lúas" proxecto cultural basado nas novas tecnoloxías gratuítas de internet (Youtube , Mindtouch Deki Wiki, Blogspot, Google Mail, Archive.org, Flickr y Facebook) coas licencias Creative Commons.


 
 

Hoxe presentámosvos unha obra conxunta de ambos artistas na que utilizando como pretexto bonitas fotos do noso Casco Histórico, aproveitan para continuar no seu labor de denunciar os espazos socioculturais abertos.

 
 

Cultura sin Lugar (pasado.es) sigue en su intención de denunciar los espacios socioculturales abiertos a través de las galerías de cristales imaginarios. Los cascos históricos de cada ciudad representan a través de los reflejos de sus ventanas el mundo exterior e interior de cada cultura.
El pasado inconsciente continúa en nuestras miradas como un futuro inminente, un ser desarrollador que poco a poco vuelve hacia la consciencia. Un ser envolvente que nos hace reflexionar hacia el interior social.
Cultura sin Lugar (pasado.es) es un feedback al pasado al inicio cultural de toda sociedad y al espacio que poco ha sido olvidado como un ser en peligro de extinción que debemos proteger antes de que sea demasiado tarde. Esta unión intrínseca del futuro y el pasado lo representan históricamente los oficios que se han ido adaptando a los nuevos tiempos y marcan la identidad cultural de cada sociedad.
El futuro inminente viene de la mano de nuevas tecnologías, máquinas e inventos los cuales la sociedad no los controla totalmente. Espacios que no deben ser solapados o enterrados por cementos, cables, computadoras Históricos espacios necesitados para resurgir en el interior sociocultural y que no deben ser olvidados.
¿Cultura sin Lugar? o ¿Lugar sin Cultura?

 

 

CRÉDITOS

Dirección: Francisco Porto

Producción y Realización: Rocío Osorio y Francisco Porto

Fotografía: Francisco Porto

Diseño: Rocío Osorio

Lugar: Casco Histórico de Betanzos

Música: Art House (Art House)

Atributton – Noncommercial - Share Alike 3.0

Creative Commons

lunes, 13 de julio de 2009

www.untia.com a páxina das Parroquias de Betanzos

    Seguindo co intento de resaltar ou reunir todo aquilo que estea relacionado con Betanzos e máis concretamente co seu Casco Histórico, e aínda que moitos xa a coñeceredes, hoxe queremos lembrar convosco unha páxina web que tamén imos incorporar con todo merecimiento á nosa sección de ligazóns ou enlaces.

  Trátase de http://www.untia.com  a páxina web das parroquias de Betanzos.

  Nesta páxina poderemos atopar  información sobre a organización parroquial e sobre a actividade da Igrexa Católica de Betanzos en xeral, pero ademais nela, betanceiros, turistas e visitantes, poderemos consultar outros datos de interese tan útiles, como a situación de Betanzos e o mellor xeito de chegar, unha breve, pero suficiente, reseña histórica de Betanzos, ou unha guía do máis relevante das nosas igrexas, a maioría delas, como sabedes, encravadas no noso Casco Histórico.

Debida á iniciativa de D. Manuel Rodríguez Rodríguez, actual cura párroco de Santiago e Santa María, e persoa a quen lle cabe tamén o mérito de ser un dos primeiros colaboradores que tivo a Asociación Amigos do Casco Histórico de Betanzos, xa que é un dato que debe quedar para a breve historia da nosa Asociación, que as nosas primeiras reunións realizaronse no salón parroquial da Igrexa de Santiago.




Por todo iso as nosas grazas e recoñecemento e, sen máis, invitámosvos a "navegar" por http://www.untia.com  cousa que sen dúbida paga a pena.

viernes, 10 de julio de 2009

O “Tiruriru” nos xornais

A Asociación Amigos do Casco Histórico convocou no adro da igrexa de Santa María de Azougue aos xornalistas, con motivo da presentación da campaña informativa que a Asociación vai levar a cabo na Feira Franca. No trancurso da rolda de prensa tamén se presentou o "Xogo do Tiruriru" deseñado por Luis Galán.

Hoxe aparece nos xornais.


Amigos do Casco Histórico estrena su labor "jugando" con los vecinos



Fin de semana en el Medievo - Un juego de mesa sobre el Casco Histórico

Preme nas imaxes para ver a noticia ampliada