viernes, 31 de diciembre de 2010

Betanzos en “España Directo”

Fragmento do Programa de RTVE "España Directo" correspondente ao luns 27 de decembro de 2010 onde se mostra o estado de ruína e abandono do casco histórico de Betanzos e entrevístase a algúns veciños que viven na zona.

jueves, 23 de diciembre de 2010

BO NADAL 2010

     A Asociación Amigos do Casco Histórico de Betanzos, deséxavos un Bo Nadal e un venturoso ano 2011 a todos.

bonadal_casco_2010

Foto: José Manuel G. Casal

Decembro 2010

martes, 7 de diciembre de 2010

Un novo derrubo no casco histórico

O casco histórico de Betanzos sufre un novo derrumbo da outra casa Gótica na rúa da Cerca
Desplomouse parte do tellado e unha parede coa fortuna de que todos os cascotes cairon cara o interior da propia casa. Policía Local e los efectivos de Protección Civil de Betanzos, que recibiron o aviso dos veciños, optaron por cortala vía á espera da evaluación do estado da vivienda deshabitada.

Recorte da edición dixital do  xornal “La Voz de Galicia” correspondente ao Luns 7 de decembro de 2010
Derrubo

Preme na imaxe para consultar a nova na edición dixital de “La Voz de Galicia”

viernes, 19 de noviembre de 2010

Caída dunha cornixa anunciada

     Como era tristemente previsible, onte sobre as 21 horas precipitáronse sobre a rúa os cascotes e bloques de cantería que formaban a cornixa do número 9 da rúa da Torre que a Asociación Amigos do Casco Histórico de Betanzos, denunciara xa nun par de ocasións, polo seu evidente perigo de derrube dado o seu mal estado de conservación que constituía un evidente perigo para as persoas e bens.

         A primeira fotografía corresponde á documentación gráfica que  Amigos do Casco Histórico achegou ao seu último informe advertindo do perigo do estado desta cornixa.

     A segunda foi tomada na mañá de hoxe despois do derrube.

     A fortuna quixo que a consecuencia do suceso non se producise ningunha desgraza persoal, e nun principio só advertimos danos nos tellados das casas colindantes, así como nun vehículo aparcado nesa rúa.

     O material que se desprendeu da fachada foi recollido por membros de protección civil, que procederon a cortar a calle.

O Consello da Xunta aproba unha inversión de 700.000 euros para a adquisición de varias vivendas

Recorte do xornal "El Ideal Gallego" correspondente ao venres 19 de novembro de 2010

Recorte do xornal "El Ideal Gallego" correspondente ao venres 19 de novembro de 2010

lunes, 15 de noviembre de 2010

Desde a Concellería de Urbanismo de Betanzos, obsérvase que o casco histórico betanceiro está en franca melloría.

La Concejalía de Urbanismo ha dado 238 permisos para realizar actuaciones urbanísticas en todo el municipio.
Una de cada tres licencias otorgadas este año fue de obras en el casco antiguo.
Recorte do xornal "El Ideal Gallego" correspondente ao domingo 14 de novembro de 2010

Recorte do xornal "El Ideal Gallego" correspondente ao domingo 14 de novembro de 2010

viernes, 5 de noviembre de 2010

Os xornais recollen a nova actuación de denuncia de edificios ruinosos da Asociación Amigos do Casco Histórico

Recorte do xornal "El Ideal Gallego" correspondente ao venres 5 de novembro de 2010

elidealgallego_051110

Recorte do  xornal “La Voz de Galicia” correspondente ao venres 5 de novembro de 2010

lavozdegalicia_051110

consultar a nova na edición dixital de “La Voz de Galicia”

 
Recorte da edición dixital do xornal  “La Opinión” correspondente ao venres 5 de novembro de 2010

laopinion_051110

     A “Asociación Amigos do Casco Histórico de Betanzos” quere agradecer a sensibilidade dos medios de comunicación ante este problema, na súa campaña de denuncia e concienciación cidadá, para que as institucións públicas adopten solucións para resolver definitivamente esta situación que prexudica a imaxe da nosa cidade, e inflúe negativamente nun crecente turismo cultural emerxente, que se gañou o noso rico e belo Patrimonio Histórico por méritos propios.

Amigos do Casco Histórico continúa coa súa campaña de denuncia do estado de perigo e abandono de numerosos inmobles

     Como xa o fixera noutra ocasión anterior, a “Asociación Amigos do Casco Histórico” presentou á Corporación Municipal do Excmo. Concello de Betanzos un novo escrito con informes e documentación gráfica, de inmobles do casco histórico nos que se considera necesaria unha actuación urxente, por objetivar deficiencias que supoñen un grave risco para persoas e bens , co fin de que se adopten as medidas de competencia municipal necesarias, o máis axiña posible , para solucionar o problema.

     Tamén se testemuñou, que ante a chegada da estación invernal, adóptense as medidas de seguridade oportunas noutros inmobles en mal estado de conservación, co mesmo fin: garantir a seguridade dos cidadáns e bens.

     A “Asociación Amigos do Caco Histórico” quere transmitir a constante preocupación dos veciños ante esta grave situación, que obriga a pechar rúas, alterando o tránsito necesario de persoas e vehículos.

     Por último, a “Asociación Amigos do Casco Histórico de Betanzos” quere agradecer a sensibilidade dos medios de comunicación ante este problema, na súa campaña de denuncia e concienciación cidadá, para que as institucións públicas adopten solucións para resolver definitivamente esta situación que prexudica a imaxe da nosa cidade, e inflúe negativamente nun crecente turismo cultural emerxente, que se gañou o noso rico e belo Patrimonio Histórico por méritos propios.

ribeira_106 ribeira_20 santiago_1
cerca_41 sanfrancisco_37
santiago_3 cerca_13 santiago_2
cerca_09 clerigos_13 santiago_5
ribeira_52_2 irmandinos_4_6 lanzos_23
horreo_28

torre_9_2

lunes, 4 de octubre de 2010

OS ARQUITECTOS HOMENAXEAN O CASCO HISTÓRICO DE BETANZOS NO DÍA MUNDIAL DA ARQUITECTURA

Con motivo do Día Mundial da Arquitectura, 4 de Outubro, a delegación da Coruña do Colexio Oficial de Arquitectos de Galicia, decide homenaxear o Casco Vello de Betanzos.

O colectivo de arquitectos debía elexir unha obra nova, unha obra histórica e un tramo físico vinculados ao Camiño de santiago. O noso Casco Histórico é obxeto de homenaxe no epígrafe de obra histórica.

Neste sentido, a Asociación de Amigos do Casco Histórico celebra esta visión conxunta do noso núcleo histórico o que non fai senón reforza-la idea de que ademáis da estricta restauración dos inmobles de interese patrimonial o que prima é a rehabilitación e posta en valor de todo o conxunto.



     A continuación transcribimos o texto emitido pola Delegación coruñesa do Colexio de Arquitectos, que tamén podes baixarte nun arquivo .pdf picando na imaxe ou neste vínculo.

boletin_coag

UNHA OBRA HISTÓRICA: O CASCO VELLO DE BETANZOS

image

O peregrino cruza o río Mandeo pola Ponte Vella e entra en Betanzos, antiga capital dunha das sete provincias do Reino de Galicia, polo Arco da Ponte Vella, unha das portas da muralla medieval. A rúa dos Prateiros conduce ata a Porta da Vila e á populosa praza de García Irmáns.

A cidade presenta un dos conxuntos histórico-artísticos máis relevantes de Galicia. Do seu pasado señorial, da Baixa Idade Media, renacentista e barroco, falan rúas e prazas, igrexas, conventos, retablos e capelas. Entre os edificios civís destacan o Pazo de Bendaña (ss. XV-XVIII) e o Pazo do Concello (s. XVIII). Os templos góticos constitúen un conxunto de referencia: a igrexa de Santiago (s. XV) foi patrocinada por Fernán Pérez de Andrade, O Mozo, e ten na súa portada unha imaxe de Santiago Cabaleiro; presenta unha planta de tres naves e tres ábsidas e conta con capelas como a de don Pedro de Ben, xoia renacentista que contén un dos mellores retablos do renacemento galego, obra do escultor Cornielles de Holanda (s. XVI).

Outra igrexa gótica é a conventual de San Francisco (s. XIV), onde se atopa o célebre sepulcro de Pérez de Andrade, O Bo. Presenta unha fermosa cabeceira oxival e un notable conxunto de sepulcros señoriais nas súas ábsidas e cruceiro. A terceira igrexa gótica é a de Santa María de Azougue (s. XIV), de tres naves e tres ábsidas, cun retablo barroco no seu altar maior, no que se reutilizaron catorce relevos hispanoflamengos (s. XVI) dedicados á vida de María e á Paixón de Cristo.

Na praza dos irmáns García Naveira destacan a igrexa de San Domingos (s. XVII) e o seu campanario barroco construído entre 1700 e 1714 por Fernando de Casas Novoa, o Arquivo do Reino de Galicia, obra de tempos de Carlos III (1775) e a Biblioteca Municipal (s. XVIII). Deixando atrás esta praza, a ruta segue pola rúa do Rollo ata a ponte vella das Cascas, sobre o río Mandeo. Abandona o núcleo urbano e segue ata os lugares de Couto, Campoeiro e Xan Rozo, para entrar, máis adiante, no concello de Abegondo.

4 de Outubro (Día Mundial da Arquitectura)

Asociación Amigos do Casco Histórico de Betanzosimage

viernes, 24 de septiembre de 2010

“BETANCEIROS EN EL MUNDO” CONVOCA UNHA CONCENTRACIÓN CON 2 MINUTOS DE SILENCIO POLA CASA GÓTICA

captura_facebook_2      Cando están a piques de cumprirse dous anos desde que Betanzos amencese un día sen unha das súas casas máis representativas e emblemáticas, a Casa dos Vilousaz, ou máis coñecida por todos como a Casa Gótica, Betanceiros en el Mundo convoca a todos os seus amigos e simpatizantes a través de Facebook para que participen nunha concentración ou evento,  que inclúe un par de minutos de silencio, o próximos sábado 9 de outubro ás 20:30, na rúa da Cerca, mesmo diante do solar que ocupaba a que todos considerabamos a casa máis antiga e bonita de Betanzos.

captura_facebook 

Para saber os detalles da convocatoria, e poder expresar a túa opinión sobre ela, pica na imaxe ou sobre  este texto que te levará a páxina de Facebook de “Betanceiros en el Mundo”

     A Xunta Directiva da Asociación Amigos do Casco Histórico de Betanzos, en sesión celebrada no día de onte xoves 23 de setembro de 2010 tomou entre outros acordos o de apoiar este evento.

image

miércoles, 8 de septiembre de 2010

Adjudican por 417.270 euros el albergue de peregrinos brigantino

Recorte do  xornal “La Voz de Galicia” correspondente ao mércores 8 de setembro de 2010

lavozdegalicia_080910

Cultura adjudica las obras para el albergue de peregrinos

Recorte da edición dixital do xornal  “La Opinión” correspondente ao mércores 8 de setembro de 2010

laopinion_080910

martes, 7 de septiembre de 2010

ADXUDICADO O ALBERGUE DE PEREGRINOS

Por fin!

Cando xa estabamos a tremer pola súa rehabilitación a casa da pescadería parece que ve luz verde cara ao seu destino como albergue de peregrinos.

Proxecto de Albergue de Peregrinos en Betanzos - Estado das obras a novembro de 2009

Aínda que non chega para este ano santo, tal e como se nos anunciara, celebramos igualmente que este proxecto se materialice nos próximos meses. Porque 8 meses son o plaza ofertado pola empresa adxudicataria e esperamos non supere ese tempo e vexamos en plena época primaveral acobillar peregrinos nas súas instalacións.

O anuncio vense de publicar na web da Sociedad Pública de Investimentos de Galicia este día 6 e fontes cercanas á Asociación Amigos do Casco Histórico nos anuncian comezo de obras en dúas ou tres semanas… que así sexa.

Agardamos con inquietude este comezo desexando ver materializada esta obra e así poñer unha pedra importante na dinamización do noso Casco Histórico e recuperar un dos seus edificios civís emblemáticos.

Noraboa a tod@s.




Asociación Amigos do Casco Histórico de Betanzos
image

 

lunes, 6 de septiembre de 2010

A I Concentración de Motos Clásicas no xornal “El Entorno Metropolitano”

     O xornal  "El Entorno Metropolitano" recolle no  seu número correspondente ao mes de agosto o éxito de participación na I Concentración de Motos Clásicas Cidade de Betanzos, celebrado o pasado 28 de agosto.

metropolitano_0810

A I Concentración de Motos Clásicas no xornal Betanzos e a súa comarca

     O xornal  "Betanzos e a súa comarca" recolle no  seu número correspondente ao mes de setembro o éxito de participación na I Concentración de Motos Clásicas Cidade de Betanzos, celebrado o pasado 28 de agosto.

Recorte do xornal "Betanzos e a súa Comarca" correspondente ao mes de setembro de 2010




Se pinchas nesta outra imaxe do lado, poderás baixarte nun arquivo pdf. o número correspondente a este mes de setembro de 2010 do xornal “Betanzos e a súa Comarca”, directamente de:

http://www.comerciodebetanzos.com

páxina  da Asociación de Comerciantes e Empresarios de Betanzos (ACEBE)

betanzsoeasuacomarca_0910_portada