BO NADAL 2009

A Asociación Amigos do Casco Histórico de Betanzos, deséxavos un Bo nadal e un venturoso ano 2010 a todos.

Foto: Antonio Asensi

decembro 2009

Amigos do Casco cos rapaces do Vales Villamarín

O pasado 20 de novembro, celebrouse en Betanzos, á iniciativa da concellaría de Infancia e Familia, un “pleno infantil”, no que os nosos escolares analizaron con seriedade e sensatez envexables, moitas das carencias da nosa cidade.      Como todos lembrardes, unha das propostas máis suxestivas e ambiciosas  deste “pleno” foi a recuperación do noso Casco Histórico, achegada polos alumnos de 6ºA do colexio Vales Villamarín de Betanzos.      A Asociación Amigos do Casco Histórico de Betanzos, quixo transmitir a nosa felicitación e  ter un recoñecemento  especial pola súa razoada proposta aos alumnos de 6º A do Colexio Vales Villamarín de Betanzos, e aos seus mestres e profesores, e aproveitando estas festas do Nadal, o noso presidente Antonio Asensi,  desprazouse a este centro educativo para facerlles entrega duns xogos do “tiruriru” dos mareantes de Betanzos,  deseñado por Luís Galán, para que gocen xogando, e á vez que profundicen nos coñecementos da nosa historia e tradicións.      Énchenos de orgullo e satisfacción saber que xa se están formando nas nosas aulas as novas xeracións dispostas a tomar o relevo na defensa do patrimonio que recibimos dos nosos maiores.      Noso máis sincero parabén e felices festas.

As casas que compre a Xunta no Casco Histórico ofreceranse a mozos e maiores

- O Conselleiro de Medio Ambiente, Infraestruturas e Territorio, Agustín Hernández, garantiu onte  á alcaldesa, María Faraldo, a adquisición de casas para reformar e propor para o aluguer ou a venda protexida para mozos e terceira idade. -  No mes de maio, nun encontro entre Faraldo e Feijóo, encargouse de lembrar ao líder conservador as responsabilidades contraídas en campaña electoral. -  Nunha entrevista que tivo lugar en Santiago, o conselleiro reiterou á rexedora a intención do seu departamento de executar un plan, que arrincaría en 2010 e desenvolveríase en varias fases, de adquisición e recuperación de edificios, até completar como obxectivo entre 12 ou 15 inmobles.

O xornal "El Ideal Gallego" o publica hoxe, sábado 19 de decembro de 2009 nunha reportaxe da xornalista Lucía Tenreiro.

O  xornal “La Voz de Galicia” tamén o recolle na súa edición de hoxe sábado 19 de decembro de 2009.

O Concello de Betanzos anuncia sancións para os incumprimentos reiterados das ordes municipais

Recorte do xornal "El Ideal Gallego" correspondente ao mércores 16 de decembro de 2009

A noticia mereceu un destacamento na portada do xornal

O concello de Betanzos anuncia a restauración da talla de madeira do “Cristo da Ribeira”

- A talla, de visita obrigada para todos os turistas que visitan o noso casco hístórico, hai tempo que está moi deteriorada. - A propia alcaldesa de Betanzos, Dona María Faraldo, califica esta restauración de “pequena actuación”, que ha de sumarse a outras obras executadas pola administración local, que teñen como obxecto revitalizar o casco histórico da cidade. - O Concello está pendente dunha subvención da Deputación Provincial, coa que acometería a eliminación do cableado da emblemática porta.

Puerta del Cristo Betanzos

Foto:Marisa Gabín

Recorte do xornal "El Ideal Gallego" correspondente ao domingo 13 de decembro de 2009

Recorte do  xornal “La Voz de Galicia” correspondente ao domingo 13 de decembro de 2009.

Algo se mueve en el Casco

- La alcaldesa se reunirá la próxima semana con el conselleiro de Territorio para abordar temas de rehabilitación. - El ayuntamiento remite el expediente de una casa ruinosa del centro a la Fiscalía. - CxB apuesta por un nuevo reglamento para proteger el casco histórico y anima a los partidos a valorarlo.

Recorte do xornal "El Ideal Gallego" correspondente ao sábado 12 de decembro de 2009

A alcaldesa de Betanzos anuncia a inminente licitación do albergue de peregrinos de Betanzos

O xornal  "Betanzos e a súa comarca" recolle o compromiso da Xunta de Galicia e da Alcaldesa de Betanzos, de levar a cabo a licitación do albergue de peregrinos de Betanzos antes do remate deste ano.

Novas da Asociación Amigos do Casco Histórico no xornal “Betanzos e a súa Comarca” correspondente ao mes de decembro

O xornal  "Betanzos e a súa comarca" recolle no  seu número correspondente ao mes de decembro, varias novas relacionadas coa actividade de Amigos do Casco Histórico

Se pinchas nesta outra imaxe do lado, poderás baixarte nun arquivo pdf. o número correspondente a este mes de decembro do xornal “Betanzos e a súa Comarca”, directamente de: http://www.comerciodebetanzos.com páxina  da Asociación de Comerciantes e Empresarios de Betanzos (ACEBE)

O proxecto de rehabilitación do barrio da Tinería en Lugo podería aplicarse en Betanzos

Recorte do xornal "El Ideal Gallego" do mércores 9 de decembro de 2009

Mais de cen casas de Betanzos necesitan rehabilitación urxente

Recorte do  xornal “La Voz de Galicia” do venres 4 de decembro de 2009

A Xunta recoñece que a falta de fondos atrasa o seu plan para Betanzos

Recorte do  xornal “La Voz de Galicia” do xoves 3 de decembro de 2009

Sete rúas renovadas no Casco Histórico betanceiro

Non todas ían ser malas noticias para o Casco Histórico betanceiro, e o xornal "El Ideal Gallego" de hoxe recolle a conclusión dos traballos de pavimentación e outras fundamentais melloras, en sete das súas rúas.

Recorte do xornal "El Ideal Gallego" do mércores 2 de decembro de 2009

O debate sobre o Casco Histórico, sempre presente nos xornais

Como complemento da extensa reportaxe sobre o Casco Histórico de Betanzos, aparecido onte en "La  Voz de Galicia" hoxe este mesmo xornal pregúntase ¿Hacia dónde va Betanzos?

Recorte do  xornal “La Voz de Galicia” do mércores 2 de decembro de 2009

A páxina do Concello de Betanzos, informa sobre as obras dos Soportais

     A páxina web do Concello de Betanzos www.betanzos.net ofrece mais información sobre as obras que se están levando a cabo na zona dos Soportais, anunciando que chegan a sua última fase.

As obras dos Soportais entran na súa última fase coa instalación de terrazas e o pavimento para as novas zonas peonís _____________________________________ Preme no texto de enriba para acceder directamente á información desde a páxina do Concello de Betanzos www.betanzos.net

Preme na imaxe de enriba para consultar o plano da obra directamente desde a páxina do Concello de Betanzos www.betanzos.net

O Casco Histórico de Betanzos, un tema sempre de interese, un tema sempre a debate

O estado actual do Casco Histórico de Betanzos, é motivo dunha ampla reportaxe  nas páxinas centrais, "A Voz da Coruña", do xornal "La Voz de Galicia"

O albergue de peregrinos de Betanzos licitarase antes de finais de 2009

O Consello da Xunta de Galicia de onte 26 de novembro, anunciou unha serie de investimentos en varios dos trazados do Camiño de Santiago, e dentro do Camiño Inglés, anunciou a licitación das obras do albergue para peregrinos iniciado en Betanzos, para finais de este mesmo ano 2009.      É unha boa noticia para Betanzos, da que como sabedes, estabamos pendentes.      Outro paso máis neste longo percorrido de que Bentanzos, e máis concretamente o seu casco histórico, teña unha instalación que o dinamice e lle de vida.      Non imos caer na ilusión de crer que influímos algo nesta decisión, que se produce aos poucos días da nosa queixa: ALBERGUE DE PEREGRINOS: “NI ESTÁ NI SE LE ESPERA”, por que creemos que seguramente estaba xa tomada. Conformarémonos con felicitarnos e felicitar tamén a todos os betanceiros, deste novo paso que a Xunta de Galicia deu para que Betanzos dispoña desta nova instalación.         Estaremos vixiantes para reclamar calquera outro posible atraso neste sentido.      O noso compromiso é con vostedes.      Tamén por eso inserimos a continuación un extracto do acordo do Consello da Xunta onde se contén esta boa noticia e compromiso para Betanzos.

CULTURA E TURISMO DESTINARÁ 6,3 MILLÓNS DE EUROS PARA A SEGUNDA FASE DO PLAN CORRECTOR DOS CAMIÑOS DE SANTIAGO A segunda fase do Plan corrector contempla intervencións sobre o trazado físico e na rede de albergues do Camiño Inglés, Norte, Primitivo e Vía da Prata En total, a Consellería de Cultura e Turismo investirá 12,1 millóns de euros a través da S.A. de Xestión do Plan Xacobeo para a posta en valor dos Camiños de Santiago A S.A. de Xestión do Plan Xacobeo prevé en 2010 a entrada en funcionamento de 5 novos albergues e traballará en colaboración cos concellos para duplicar a oferta de hospedaxe para peregrinos con instalacións provisionais ……………………………………………………………………. Intervención na rede albergues As actuacións definidas no Plan corrector están destinadas a proporcionarlles aos peregrinos e camiñantes os servizos axeitados e satisfacer as súas necesidades máis inmediatas de acollida e hospedaxe. A calidade ambiental e a sustentabilidade, o respecto histórico e paisaxístico son os criterios que priman na elaboración dos proxectos destas construcións, tanto de nova feitura como nas restauracións de edificios nobres, casas rurais, escolas unitarias, edificios de distintos usos, contribuíndo deste xeito á recuperación patrimonial de Galicia. Nesta segunda fase do Plan corrector destinaranse 910.000 euros á mellora do equipamento e á conservación dos albergues dos catro camiños. Dentro do Camiño Inglés está prevista a licitación a finais de 2009 dun novo albergue en Betanzos, que incrementará en 50 prazas as 72 existentes na actualidade nas 3 hospedaxes dependentes da S.A. de Xestión do Plan Xacobeo en Neda, Miño e Bruma (Mesía).   No Camiño Norte estase a redactar o proxecto para a posta en funcionamento como albergue do antigo colexio das monxas da Rúa Trinidade, en Ribadeo. A licitación será solicitada durante o 2010 para ampliar a oferta de 304 plazas nos 7 albergues desta ruta (Ribadeo, Lourenzá, Mondoñedo, Abadín, Vilalba, Begonte e Sobrado). Respecto ao Camiño Primitivo, no Ano Santo 2010 entrará en funcionamento o novo albergue de Seixas, en Palas de Rei, que achegará 36 novas prazas ás 102 ofertadas na actualidade nas instalacións de Padrón (A Fonsagrada), O Cádavo (Baleira), Lugo e San Román de Retorta (Guntín). Do mesmo xeito, estanse a redactar os proxectos de execución para os futuros albergues da Casa de Pasarín (A Fonsagrada) e o de Castroverde. Na Vía de Prata estanse a estudar accións para resolver a carencia de aloxamento fundamentalmente entre A Gudiña e Laza, mediante o acordo para a utilización dos albergues que a Deputación de Ourense ten feito nas estacións de RENFE de Vilavella (A Mezquita), Campobecerros (Castrelo do Val) e Vilar de Barrio. Na actualidade, tramítase a licenza dos futuros albergues de Pereiro Vello (A Mezquita) e Viladerrei (Trasmirás) que completarán as 366 prazas dos 12 actuais (A Gudiña, Laza, Verín, Vilar de Barrio, Sandiás, Xunqueira de Ambía, Ourense, Cea, Dozón, Lalín, Silleda e Vedra). De forma resumida, a S.A de Xestión do Plan Xacobeo a través das dúas fases do Plan corrector, realizará labores de conservación e mantemento en 49 dos 64 albergues dependentes da Xunta de Galicia. Do mesmo xeito, intervirase na substitución e na mellora de mobiliario, o que permitirá ampliar o número de prazas en 8 albergues. De cara ao Ano Santo 2010 entrarán en funcionamento 5 novos albergues en Dumbría, Casa Grande de Lusío (Samos), Seixas (Palas de Rei), Betanzos e Boimorto. O remate da reforma completa do albergue de Melide no próximo ano permitirá sumar 130 prazas ás 167 que estarán habilitadas durante todo o Xacobeo no Pazo de Congresos da localidade. A S.A. de Xestión do Plan Xacobeo traballará en colaboración cos concellos para instalar albergues provisionais coa solución máis axeitada (toldos, pavillóns, naves,...) en todos os Camiños de Santiago, de cara a duplicar durante a época de maior afluencia de peregrinos as 2.984 prazas ofertadas na actualidade. Como novidade, está previsto instalar nos albergues un panel informativo en que se recolla información referente ao seguinte tramo que espera ao peregrino. Incluirá un mapa co camiño, monumentos, distancia a percorrer ademais de información sobre lugares de interese paisaxístico… ……………………………………………………………………………         INFORMACIÓN AOS MEDIOS       Consello da Xunta

O inacabado proxecto de Albergue de Peregrinos de Betanzos

     Hai só uns días e baixo o título de ALBERGUE DE PEREGRINOS: “NIN ESTÁ NIN SE LLE ESPERA” incluiimos nesta páxina a nosa queixa sobre o atraso que acumulan as obras do proxectado albergue de peregrinos en Betanzos, e o noso queixume por que este atraso leve consigo non poder gozar desta instalación para o próximo ano, con máis razón sendo ano santo xacobeo, cousa que non volverá suceder ata o ano 2021.

     Tamén volvemos incluír a nosa queixa, xunto con outras suxestións ante a proximidade do ano xacobeo 2010 nun escrito entregado recentemente pola Asociación no Concello de Betanzos, e que tamén pode verse todavía nesta páxina.

     Hoxe o xornal “El Ideal Gallego” recolle esta queixa nun documentado artigo da xornalista Lucía Tenreiro.

Recorte do xornal "El Ideal Gallego" do mércores 25 de novembro de 2009

O Concello de Betanzos proxecta un programa de visitas guiadas para os mozos betanceiros

     O anuncio o fixo o Concelleiro Delegado en Economía, Facenda, Comercio e Turismo, Don Pablo Tomé Crespo, quen avanzou onte a súa intención de potenciar estes programas cara ao vindeiro ano.

     Os itinerarios de estas rutas serán o Casco Histórico betanceiro, o Pasatempo ou ben unha combinación de ambas rutas.

     A Asociación Amigos do Casco Histórico de Betanzos, aplaude esta iniciativa sobre todo tendo en conta o éxito de participación acadado pola visita guiada que esta asociación realizou o pasado domingo 8 de novembro, o que veu confirmar o interese dos nosos veciños por ampliar os seus coñecementos sobre o noso pasado e o noso patrimonio, considerando  esta iniciativa como un primer paso para a programación doutras organizadas polo propio concello, e mesmo incorporando as novas tecnoloxías que todos temos hoxe á nosa disposicón: audio, vídeo, bluetooth, etc…xa sexa a través de telefóno móbil, internet, ou a descarga directa na oficina de turismo municipal, petición realizada por Amigos do Casco Histórico á nosa alcaldesa Dª María Faraldo en recente entrevista.

Recorte do xornal "El Ideal Gallego" do martes 24 de novembro 2009

Recorte do  xornal “La Voz de Galicia” do martes 24 de novembro de 2009

Os nosos escolares piden a rehabilitación do noso Casco Histórico

O pasado venres 20 de novembro, e con motivo da celebración do Día Mundial da Infancia, tivo lugar no salón de plenos do concello brigantino, o segundo pleno infantil que se celebra na nosa cidade, como consecuencia da iniciativa da nosa concelleira de Infancia e Familia, Esperanza Sánchez.      Aínda que presidido polo noso primeiro tenente alcalde Javier de la Fuente, os espazos ocupados normalmente polos nosos representantes electos, ocupábannos nesta ocasión alumnos dos nosos centros de ensino.      As propostas e peticións, todas moi sensatas por certo, que debateron os nosos escolares, foron do mais variado, e van desde a renovación do instrumentos da banda, unha pista de skate, a limpeza do río, un auditorio, un novo colexio, un centro de educación viaria, e un centro de lecer infantil, a outras moitas reivindicacións menores, todas moi razoadas e razoables.      Pero sen lugar a dúbida para nós é de resaltar a petición realizada por un grupo dos nosos escolares, máis concretamente a dos alumnos de 6º A do colexio Vales Villamarín, quen levaron “a pleno” nin nada máis nin nada menos que unha proposta de rehabilitación do noso casco histórico.      A ambiciosa e inesperada proposta, ademais de enchernos de tenra satisfacción, vénnos a confirmar na idea de que a mellora do noso casco histórico non é só cousa de turistas e comerciantes, e que a súa posta en valor é desexada por todos os veciños de Betanzos, residentes ou non residentes nesta zona, pero tamén, e é o que nos gusta, por maiores e novos, é dicir con independencia da súa idade.      A Asociación Amigos do Casco Histórico de Betanzos, quere felicitar pola súa razoada proposta aos alumnos de 6º A do Colexio Vales Villamarín de Betanzos, e énchenos de orgullo e satisfacción saber que xa se están formando nas nosas aulas as novas xeracións dispostas a tomar o relevo na defensa do patrimonio que recibimos dos nosos maiores.      Noso máis sincero parabén. Quédanos a todos moito traballo por facer, pero coa axuda dos nosos mozos, nada debería de asustarnos.

Ao día seguinte os xornais o recollían desta maneira:

Recorte do  xornal “La Voz de Galicia” do sábado 21 de novembro de 2009

Recorte do xornal "El Ideal Gallego" do sábado 21 de novembro 2009