Campaña de recollida de firmas polo Plan Integral de Rehabilitación do Casco Histórico de Betanzos

    A Asociación Amigos do Casco Histórico de Betanzos iniciou unha recollida de firmas para pedir aos nosos representantes políticos a urxente elaboración  e execución dun plan integral de rehabilitación para o noso Casco.
    A recollida de firmas farase por parte dos membros da Asociación en diferentes lugares e datas ao longo de todo este mes de xaneiro, e arrincou o pasado xoves día 30 no que se recolleron firmas na Rúa Ferradores (Soportais do Campo)
    O texto en concreto para o que se pide a firma é o seguinte:

“Ante a grave deterioración que durante os últimos anos vén sufrindo o  Casco Histórico de Betanzos, os abaixo asinantes esixen  a urxente elaboración  e execución dun plan integral de rehabilitación para o Casco, debidamente acordado pola totalidade das forzas políticas,  coa finalidade de que  Betanzos  e, en especial o seu Casco Histórico, sexa un referente  de vida, turístico e motor da economía comarcal.”

Se queres colaborar con esta campaña podes descargarche o impreso de firmas nun arquivo .pdf para recoller as firmas das persoas do teu entorno e facérnolo chegar a calquera membro da Xunta Directiva da Asociación ao longo deste mes de xaneiro.