Betanzos Virtual, a guía de Betanzos decana na rede

Hoxe presentámosvos unha nova páxina para engadir á nosa sección de ligazóns ou enlaces. Trátase de  Betanzos Virtual, unha guía online da Cidade dos Cabaleiros e un verdadeiro clásico para todos aqueles que hai tempo buscamos datos sobre Betanzos na rede. Case con toda probabilidade Betanzos Virtual sexa a guía decana no internet de Betanzos, xa que cremos que está activa desde o ano 1998. A páxina corresponde a un "deseño de mocidade" de "leoplus", xove, e tamén veterano valor, da blogosfera brigantina, e malia os seus moitos anos e da súa escasa actualización, segue cumprindo perfectamente co seu labor informativo e divulgativo de Betanzos, e aínda se segue vendo de moi bo grado.

Como non podía ser doutro xeito, en Betanzos Virtual hai un apartado dedicado  especialmente ao "Casco Antigo" con descricións e fotos dos seus principais monumentos e lugares. Que a disfrutedes!