Amigos do Casco Histórico invítate a coñecer Betanzos a través dunha “visita guiada”

A Asociación Amigos do Casco Histórico de Betanzos, ten previsto realizar, para todas as persoas interesadas, unha “visita guiada” polo noso casco histórico, na que exercerá como guía o Director do Museo e Biblioteca Municipal Alfredo Erias Martínez.      O paseo realizarase o vindeiro domingo día 8 de novembro, comezando ás 11:45h. desde os inmediacións do Museo das Mariñas e terá unha duración aproximada de 2 horas. No seu itinerario incluiranse visita a lugares tan emblemáticos como o Museo das Mariñas, Igrexas  de Santa María, San Francisco e Santiago, e Centro Internacional da Estampa Contemporánea.      A Asociación Amigos do Casco Histórico, pretende conseguir que esta iniciativa constitúa un novo atractivo para os veciños, escolares e turistas, por que coñecendo mellor a nosa cidade, tamén entenderemos mellor os nosos sinais de identidade e valoraremos máis o noso legado histórico.      O obxectivo é promocionar o patrimonio histórico-artístico e cultural da cidade e fomentar a actividade turística durante todo o ano, beneficiando desta maneira á hostalería, pousada e comercio en xeral, e no caso do que a cidadanía responda a chamada e demostre interese, instar ás Administracións Públicas con competencia na materia, a programar visitas durante todo o ano, que cautívennos, divirtan e enriquezan, gozando a un tempo do fermoso patrimonio que atesoura a nosa cidade.

Foto:Marisa Gabín

VISITA GUIADA AO CASCO HISTÓRICO DE BETANZOS

DATA: 8 DE NOVEMBRO HORA: 11:45h DURACION: 2 HORAS (APROX.) GUIA: ALFREDO ERIAS, DIRECTOR DO MUSEO-BIBLIOTECA MUNICIPAL ENCONTRO: MUSEO DAS MARIÑAS ____________________________________________________ ITINERARIO: · VISITA AO MUSEO DAS MARIÑAS · PRAZA DE GARCÍA HERMANOS · PORTA DA VILA · RÚA TRAVIESA · PRAZA DE FERNÁN PÉREZ DE ANDRADE · IGREXAS DE SANTA Mª DE AZOGUE Y SAN FRANCISCO · PRAZA DA CONSTITUCIÓN · IGREXA DE SANTIAGO · RÚA DO CASTRO · VISITA AO CIEC · SOPORTAIS DA FONTE DE UNTA ______________________________________________________ COLABORAN: · CONCELLALIA DE TURISMO. EXCMO CONCELLO DE BETANZOS · CENTRO INTERNACIONAL DE ESTAMPA CONTEMPORANEA (CIEC) · DIRECTOR DO MUSEO-BIBLIOTECA MUNICIPAL · PARROQUIAS DE BETANZOS