Éxito de participación na “visita guiada” realizada polos Amigos do Casco Histórico

Tal e como estaba previsto este domingo día 8 de novembro levouse a cabo, con gran éxito de participación, a "visita guiada" ao Betanzos mais antigo, organizada por Amigos do Casco Histórico.

A visita comezou no Museo das Mariñas, onde en primeiro lugar, o presidente da Asociación Amigos do Casco Histórico,  Antonio Asensi, saudou a todos os participante cunhas palabras de benvida.

A continuación Alfredo Erias, director do Museo e Biblioteca municipal, foi descubrindo para sorpresa e ledicia de todos os asistentes, os segredos e curiosidades, que se custodian e expoñen nesta modélica instalación.

Praza do Campo, Porta da Vila e Rúa Travesa foi o itenario seguido a continuación polos asistentes, ilustrados en todo momento por Alfredo Erias, con datos sobre a súa importancia, historia e evolución.

	Xa metidos no Betanzos mais medieval, o adro e Igrexas de Santa María e San Francisco, foron de seguido os lugares visitados, sendo obxecto como corresponde, dunha atención especial por parte de todos os asistentes.

Mercado Municipal, rúa Roldán, praza do Concello e Igrexa de Santiago, foron os lugares visitados de seguido.

	A visita rematou nas instalacións do Centro Internacional da Estampa Contemporánea (CIEC) onde os asistentes foron recibidos polo seu director e fundador, o artísta gráfico betanceiro Jesús Núñez, quen ademais de mostrar as instalacións e explicar a todos a importancia deste centro, agasallou aos asistentes con diversas publicacións

Nada mais rematar a visita, os membros da Asociación Amigos do Casco Histórico presentes no acto, así como a totalidade dos asistentes, valoraron moi positivamente esta iniciativa, sendo a opinión xeral que dalgunha maneira deberían institucionalizarse, para promocionar o patrimonio histórico-artístico e cultural da nosa cidade, gozar do fermoso patrimonio que atesoura e fomentar a actividade turística e económica durante todo o ano,      Neste sentido a Asociación Amigos do Casco Histórico en recente entrevista coa alcaldesa de Betanzos Dª María Faraldo, transmitiulle a necesidade de realizar estas visitas de forma programada polo propio concello, e mesmo incorporando as novas tecnoloxías que todos temos hoxe á nosa disposicón: audio, vídeo, bluetooth, etc…xa sexa a través de telefóno móbil, internet, ou a descarga directa na oficina de turismo municipal.      Amigos do Casco Histórico quere lembrar o seu agradecemento a todas as persoas e institucións que colaboraron para que esta “Visita Guiada” realizárase con tanto éxito, con especial atención á Concellería de Turismo do Excmo. Concello de Betanzos, ao Centro Internacional da Estampa Contemporánea  (CIEC), e ao seu Director e Fundador o artista gráfico D. Jesús Núñez, ás Parroquias de Betanzos, administradas polo párroco D. Manuel Rodríguez, á Comunidade de Irmás Franciscanas, e de maneira máis especial si cabe, ao Director do Museo, Arquivo, Biblioteca e Anuario de Betanzos, o artista betanceiro D. Alfredo Erias.